Атырдьах ыйын 22 күнүгэр 2020с. Амма сэлиэнньэтигэр биир дойдулаахпытыгар, документалист суруйааччы Дмитрий Николаевич Гаврильевка, кини кыыһыгар Сардаана Дмитриевнаҕа Спортивная 68 нүөмэрдээх дьиэтигэр стелла арылынна. Үөрүүлээх тэрээһиҥҥэ Дмитрий Николаевич кэргэнэ, оҕолоро, сиэннэрэ, биир үөлээннээхтэрэ, биһиги нэһилиэкпититтэн баһылык Захарова М.Р., "Түмэн" сынньалаҥ киинин специалиһа Захаров А.К. кыттыыны ыллылар. Дмитрий Николаевич аатын үйэтитэр биир бэлиэ күн буолла.
Сэтинньи 17 күнүгэр 2020 сылга киэһэ 17.00ч. "Түмэн" сынньалаҥ киинэ "БАЙАНАЙ ТҮҺҮЛГЭТЭ-2020" сүүйүүлээх шоу кэнсиэр @tymenclu2000 инстаграм страницатыгар бар дьонугар көрдөрдө. Кыттыыны ыллылар Уйусхан, Альберт Пахомовтар, кылбаа маҥан кыталык кыргыттар, Лилиана Ефремова. Кэнсиэр кэмигэр сүүйүүлээх бириистэр оонньоннулар. Сүрүн бирииһи 5000 солк. уу харчыны ылла Диана Антипина уонна "Байанай" фирма саха быһаҕын ылла Бөтүҥтэн Сайыына Попова. Махталбытын биллэрэбит биһиэхэ күүс-көмө буолбут спонсордарбытыгар: "Классик" банкетнай зал салайааччытыгар, урбаанньыкка Селляхов А.С., биир дойдулаахпытыгар, СР культуратын туйгунугар, үлэ ветераныгар. урбаанньыкка Никифорова Л.В.
Дойду культурнай киинигэр иккис күнүн "Добровидение-2020" норуоттар икки ардыларынааҕы фестиваль ыытыллар. Манна 40-тан тахса регион кыттыыны ылар. Кинилэр ортолоругар Амма улууһун Амма-Наахара нэһилиэгиттэн "Чэлгийээнэ" эбэлэр ансаамбыла баар. Фестиваль гала-кэнсиэр тыа ха7аайыстыбатын үлэһиттэригэр уонна пандемияны кытта охсуһар медицинскэй үлэһиттэргэ ананыа. 11 киһиттэн састааптаах коллектив республика аатын чиэстээхтик көмүскээтэ. Төрүт үгэстэрин илдьэ сылдьар, киэҥ эйгэҕэ тарҕатар коллектив фестивалы олус диэн киэргэттэ.Бэл диэтэр тэрийэр хамыыһыйа бэрэссэдээтэлэ Олег Николаев бэлиэтин көрөн хас биирдиилэригэр махтал сурук туттарда.
